المنتدى الملكي للعز و الشموخ

يــــ هـــلا ـــا بها الطلة البهية نشووف المنتدى زاد نوره شرف لنا ان تنضم الى منتدانا المتواضع مع اطيب واجمل تحية
المنتدى الملكي للعز و الشموخ

نورتم المنتدى


    حوار شعري بين حبيبة وامها وحبيبها قبل زفافها بثواني

    شاطر

    المتفهم


    عدد المساهمات : 10
    تاريخ التسجيل : 26/02/2011

    حوار شعري بين حبيبة وامها وحبيبها قبل زفافها بثواني

    مُساهمة  المتفهم في السبت فبراير 26, 2011 6:51 pm



    [color=blue]


    قصة زواج فتاة (بالعامية البدوية)
    من طرف المتفهم
    .قصة فتاة احبت واحبها شاب ولكن والدها زوجها لشاب لا تحبه ورغما عن ارادتها ولم تستطع منع هذا الزواج بسبب تسلط الاب والعادات السائدة القديمة فكتبت قصيدة قبل زفافها ...القصيدة بعنوان رسالة قبل الزفاف ..او اترك الخيار للمتلقي ان يسميها كما يريد....طبعا هي لا تكره زوجها ولكن كانت تحب رجل اخر ...هي حوار بينها وبين امها وتناجي حبيبها قبل الزفاف ......فقالت


    الليلة عرسي
    وكل عروس تراها بهل الليلة فرحانة
    مثل وردة بيضة وبعطر المسچ فواحة
    گطر الندى الدافي بشمس الصبح
    ماي لجرن حمامه
    تحس الفرح بعيونه مثل فرخ الگطا الفرحان بشوفة حبابَه
    هلهولة تضنه صفير الهوى اليدگ بابه
    وغنوة عشگ رنة حجل خلخاله
    وضحكة الشفة ترسم على خدودَه غمزة و تصيح يا حبيبي لبوسة
    شفافك ترى خدودي مشتاگة
    اميرة بثوب العرس تضنَه
    من وگـْفت على مرايتها
    وشمعة بطول الرمح وماي الذهب زينتها
    وسنين من عمرَه تنطي هدية
    حمرة الشفة كتبت على الشفـّه
    للي بكروت العرس يعجل بموعد الزفـّه
    من الساعة سبعة الى ستـّه
    وآني گبل الزفة بثواني
    حزينة وابچي على گلبي البچى وبچاني
    مثل شمعة احترگ ولا ريحا تمر وطفي ناري
    گلبي يرتجف خايف مثل سفينة بوسط
    موج البحر گبل ما تغرق بثواني
    مثل شتلة ورد ماتت بيوم هجروا على بلاد الغربة جيراني
    خدودي لون رماد الكحل
    وشفافي دمع عيني قلم حمرتها
    فستان العرس من ثوب الحزن اسود
    مثل لليلة شتى غاب عنها گمرها
    يابنيتي امي گالت وصوت الحزن بصدرة مخنوگ آني حيرانة زعلانة
    وماني فرحانة


    ومانچ عني غريبة
    من صغر سني لنار العشگ خبرانة
    لا ماي نهر جاري ايطيبه ولا وصفة دوا وعطب عطابة
    بس يا بنيتي نار العشگ مثل نار الجمر اش ما طالت المدة تنطفي عگب مدة


    هذا نصيبچ وكافر اللي ما يرضى بنصيبه
    اش عجب يمّـَه مو كفر اتزوج غصب
    صح عندچ المثل ونضرب
    صار اللي يبچي على وفى الوعد خوان
    والشمس تضوي المسا وتنطفي بنهار
    اليذبح حمل اسمه واللي انذبح جزار
    ابويا شللي استفادَه
    جنت ارضى لو ذابحني بيدَه
    وآني بعظم لحمي اسنّ سكينَه
    وزوجي هذا اش ذنبه
    يعيش باقي العمر مع جثة
    وينام ويا جسد ميت مطروح ومدد بسريره
    وما اگدر اسعده وانطيه اللي ايريده
    وگليلي يمة اشلون اضمه اشلون احط راسه على صدري
    ودكات گلبي باسم غيره تنده عليا
    واذا نادني باسمي وانا اخطيت بصيحة اسمى
    وحبيبي ملا ذنب گلبي حبه وراده
    وما دك بعشك لابن عمي وخاله
    اريد من حزني انتفض واطلع مسيرة
    وارسم على كل البوب
    گلب بسهم مصيوب وگصة عشگ بدم الجرح مكتوبة
    وعين تبگي
    اللي ما يوفي بالوعد خوان
    وبمحكمة العشگ يا خذ حكم اعدام
    واصير انا مخدة ولحف وفراش ونعش ميت يلعب بمرجوحة
    بس يمة ثواني
    اكتب للي احبه بحر العشگ اشواق
    سلامي على اللي اعزه واريده
    واظل اعد ساعات العمر من دونه وحيده
    ترى كلبي مثلك انطعن وانذبح من وريده
    وروحك بگلبي سكنت سكاكين ورماح
    وسيوف ما تگدر من شراييني تشفيها
    واظل احلم برجفة شفافك على شفافي
    وانتظر لحظة سعيدة
    وآني زوجي بشهر العسل وطالت المدة
    كل كلام الحلو اسمعة منة
    من روما للبدقية
    وعطر باريسي والف سترة وهدية
    ونسهر كل الليل
    وبعمان نشرب گهوة بهيل
    بالشام نسمع صهيل الخيل
    والرياض وقرطاجة وبغداد والاهرام والنيل وكل فندق مانام ونصور نجم سهيل
    وعكب مدة للوطن عدنا وانگظت ايام العدة
    رحت ادگ بابه
    لا من فتح ولا من ردة
    وآني حيرانة
    اسمع صوت ابن جيرانه
    كبل الزفة بثواني
    رسمنا بوردة حزن گلب
    بسهم مصيوب
    وحفرنا اسمك على نعشه....م0م

    للامانة ان فكرة القصيدة ماخوذة من قصيدة لشاعر مبدع ونسجت انا على غرارها ونفس فكرتها كلام اشبه بالقصيدة رغم انني استفدت بعض العبارات من القصيدة الاصلية بعض الكلمات فقط ....المتفهم[/colo
    r].
    avatar
    ملكة العز و الشموخ
    صاحبة الامتياز رئيسة مجلس الادارة
    صاحبة الامتياز  رئيسة مجلس الادارة


    الجنس : انثى عدد المساهمات : 127
    تاريخ التسجيل : 28/01/2011
    الموقع : the-queen-bassom.ibda3.org

    رد: حوار شعري بين حبيبة وامها وحبيبها قبل زفافها بثواني

    مُساهمة  ملكة العز و الشموخ في السبت فبراير 26, 2011 10:24 pm

    الله الله طرح رائع
    بووورك في مجهووودك
    ننتظر منك المزييد

    المتفهم


    عدد المساهمات : 10
    تاريخ التسجيل : 26/02/2011

    [size=18]كل الشكر لك يا اميرتنا الرائعة في روح جمال فكرك [/size]

    مُساهمة  المتفهم في الخميس مارس 24, 2011 6:01 am

    شكرا لك يا اميرة الروح التي تنثر عطرها فوق نبضات الفكر جمالا وشموعا تبدد عتمة الظلام في روح من يعانون منه
    لك كل الشكر الابدي وروحا فوق كل الجمال الذي انت تبحثين عنه في نظم جمال الشعور والاحساس الارقى ...مشكورة جدا جدا على المنتدى .......

      الوقت/التاريخ الآن هو السبت يناير 19, 2019 6:16 pm